fbpx
Close

NAT-SEDATİV

Bir kapsulun tərkibi:

Adi damotu (Leonurus cardiaca) otunun quru ekstraktı – 31 mq, istiotlu nanə (Mentha piperita) yarpağının quru ekstraktı – 31 mq, beşdişcikli yemişan (Crataegus pentagyna) meyvəsinin quru ekstraktı – 31 mq, dərman pişikotu (Valeriana officinalis) kök və kökümsovunun quru ekstraktı – 60 mq, dərman bədrəncinin (Melissa officinalis) otunun poroşoku – 100 mq, istiotlu nanə (Mentha piperita) yarpağının poroşoku – 100 mq.

Köməkçi maddə: qarğıdalı nişastası (amylum maidis) – 47 mq, kapsul (jelatin, qliserin, su)

Məhsulun xüsusiyyətləri:

Sinir sistemi pozulmalarına müsbət təsir göstərir, ləng yuxu fazasını uzadır, yuxuyagetməni və yuxunun keyfiyyətini yaxşılaşdırır. Darmarlara zəif genişləndirici təsir göstərir, qanın perfuziyasını artıraraq koronar qan dövranını yaxşılaşdırır, ürək vurğularının sayını azaldır, taxiaritmiyaların qarşısını alır.

İstifadəsinə göstəriş (aşağıdakı hallarda yardımçı vasitə kimi istifadə olunur):

  • Nevrozlar (narahatlıq, qorxu, isterik vəziyyətlər)
  • Psixo-emosional gərginlik
  • Yuxusuzluq
  • Depressiv vəziyyət
  • Xroniki yorğunluq sindromu
  • Ürək fəaliyyətinin funksional pozulmaları (kardionevroz, taxiaritmiyalar)
  • Predmenstrual sindrom və klimaks
  • Doğuşdan sonrakı nevrozlar
  • Şəkərli diabet, hipertireoz.

İstifadə qaydası: Böyüklər: 1-2 kapsuldan gündə 3 dəfə yeməkdən əvvəl daxilə qəbul edilir. Qəbul müddəti minimum 1 aydır.

Qeyd: Yaş həddi və istifadə dozası həkim məsləhəti ilə dəyişdirilə bilər.

Əks göstəriş: 18 yaşına qədər, preparatın tərkib hissələrinə qarşı fərdi həssaslıq zamanı.

Saxlanma şəraiti: Rütubətdən qorunmaqla, 25 0C-dən yuxarı olmayan temperaturda və uşaqların əlinin çatmayacağı yerdə saxlayın.

  • Reseptsiz buraxılır.
  • Dərman vasitəsi deyil.
  • Bioloji fəallığa malik qida əlavəsidir.
  • Məhsul normal qidalanmanı əvəz etmir.
  • Tövsiyə edilən sutkalıq dozanı aşmayın.
  • Xəstəliklərin müalicəsi məqsədilə istifadə olunmur.
  • Hamiləlik və laktasiya dövründə, xəstəlik və ya dərman istifadəsi zamanı həkimlə məsləhətləşin.

Yararlılıq müddəti: 2 il.

Yararlılıq müddəti bitmiş kapsuldan istifadə etmək olmaz.

Buraxılış forması: 400 mq-lıq 100 kapsul.

İstehsalçı: “Herba Flora” MMC

www.herba-flora.com

info@herba-flora.com

Category: Tags: , Product ID: 2690

Description

Günlərimizi cürbəcür qayğıların, çəkişmələrin əhatəsində keçirə-keçirə gözləmədiyimiz nöqtələrdən müxtəlif “zədələr” alırıq. Gündəlik həyatımızda istər-istəməz fərqli əhvali-ruhiyyələr yaşamalı oluruq. İnformasiya dövrü adlanan günümüzdə zamanla ayaqlaşa bilmək üçün ayıqlıq, xüsusi və yüksək analiz qabiliyyəti tələb olunur. Bu səbəblərdən dolayı yorğun oluruq, başımız ağrıyır, bəzən özümüzü o qədər halsız, taqətsiz hiss edirik ki, adi ev işlərini görməyə yaxud iş yerindən evə getməyə belə əziyyət çəkirik. Bütün bu gündəlik problemlər müxtəlif nevrozlara, psixo-emosional gərginliyə, yuxusuzluğa, depressiv vəziyyətə, hətta ürək fəaliyyətinin pozulmalarına qədər gətirib çıxarır.

Herba Flora şirkətinin tam təbii, bitki tərkibli Nat-sedativ kapsulu bu və ya digər nevroloji problemlər zamanı yüksək effektə malikdir. Kapsul sinir sisteminin mərkəzi bölmələrində benzodiazepin reseptorlarına təsir edərək reflektor oyanıqlığı azaldır. Baş beyinin sinir hüceyrələrində tormozlanma proseslərini sürətləndirir. Sedativ, trankvilizəedici – qıcolma əleyhinə effekt verir, yuxuyagetməni və yuxunun keyfiyyətini yaxşılaşdırır. Nat-Sedativ kapsul ürəyin və beyinin oksigenlə təchizatını artırır, ürək əzələsini tonuslandıraraq qan dövranını yaxşılaşdırır, taxikardiya və aritmiyaları da aradan qaldırır.

Nat Sedativ kapsul təsiri

Herba Flora şirkətinin Nat-sedativ kapsulu digər sakitləşdirici və kimyəvi preparatlardan fərqli olaraq tərkibindəki mayasarmaşığı qozasının kumarin maddəsi, istiotlu nanə yarpağının mentol efir yağı sayəsində gün ərzində insan orqanizminə stimullaşdırıcı, tonuslandırıcı təsir edərək çox yuxululuğun qarşısını alır. Həm orqanizmi gümrahlaşdırır, həm də əhvali-ruhiyyəni yüksəldir. Kapsulun tərkibindəki el arasında ballı nanə kimi tanınan dərman bədrəncotu isə tac damarları genişləndirərək ürəyin qidalanmasını yaxşılaşdırır. Ürək nahiyəsindəki sinir mənşəli ağrıları, ürəkdöyünmələrin sayını azaldır və arterial təzyiqi aşağı salır. Həm də yüngül sidikqovucu effekt verir. Dərman bədrəncotunun sinir sistemini sakitləşdirici təsiri də məlumdur.

Herba Flora şirkətinin Nat-sedativ kapsulu tam təbii, bitki tərkibli olduğu üçün bütün xəstələrdə, o cümlədən, predmenstrual sindrom və klimaks, hamiləlik nevrozları, doğuşdan sonrakı nevrozlar, şəkərli diabet, hipertireoz kimi xəstəliklər zamanı narahatlıq, yuxusuzluq, qorxu, isterik vəziyyət, yorğunluq, depressiv vəziyyət və s. kimi psixoemosional sferada olan bütün problemlərdə tədricən təsir göstərir. Nat-sedativ kapsulunu həm tək şəkildə, həm də Herba Flora şirkətinin Sedativ çayı ilə kombin şəklində qəbul edə bilərsiz. 2 yaşdan yuxarı uşaqlar və böyüklər 1-2 kapsuldan gündə 3 dəfə, yeməkdən əvvəl daxilə qəbul etməli. Nat-sedativ kapsulu qəbul edin, gün ərzində sakit və gümrah olun!

https://fizulihuseynov.com/