Məhsullar

Bronxofort

DƏRMAN VASİTƏSİ DEYİLDİR!

Tərkibi (100 ml):
İri bağayarpağı (Plantago major folium liquid extract) yarpağının duru ekstraktı– 9 ml; dərman gülxətmi (Althaea officinalis radix liquid extract) kökünün duru ekstraktı – 8 ml; adi qaraqınıq (Origanum vulgare herba liquid extract) otunun duru ekstraktı – 8 ml; meşəlik əməköməci (Malva sylvestris follium liquid extract) yarpağının duru ekstraktı – 7 ml; adi cirə (Anisum vulgare fructus distillate) meyvəsinin distillatı – 7 ml; sürünən kəklikotu (Thymus serpyllum herba distillate) otunun distillatı – 7 ml.
Köməkçi maddələr: distillə suyu/ distilled water, saxaroza /sucrose, limon turşusu/citric acid (E330), pektin/pectin (E440), natrium benzoat/sodium benzoate (E211), qliserin/glycerin (E422).

İstifadə qaydası:
4-7 yaş uşaqlar üçün 10 ml (2 çay qaşığı) gündə 3 dəfə;
7-12 yaş uşaqlar üçün 15 ml (1 xörək qaşığı) gündə 3 dəfə;
12 yaşdan yuxarı uşaqlar və böyüklər üçün 30 ml (2 xörək qaşığı) gündə 3 dəfə yeməkdən əvvəl daxilə qəbul olunur.
Tərkibində şəkər olduğuna görə şəkərli diabeti olan xəstələr şərbətdən ehtiyatla istifadə etməlidirlər.

Qeyd: Yaş həddi və istifadə dozası həkim məsləhəti ilə dəyişdirilə bilər.
4-14 yaş uşaqların istifadəsi üçün uyğundur.

Əks göstərişlər: Şərbətin tərkibinə daxil olan bioloji aktiv maddələrə qarşı yüksək fərdi həssaslıq.

Saxlanılması: 25°C-dən yuxarı olmayan temperaturda və uşaqların əli çatmayan yerdə saxlayın. İstifadə müddəti qurtarmış şərbətdən istifadə etməyin.
Yararlılıq müddəti: 3 il.

Buraxılış forması: Şərbət, 100 ml şüşə flakonda, karton qutu qablaşdırmada.

Reseptsiz buraxılır.
Dərman vasitəsi deyil.
Bioloji aktiv qida məhsuludur.
MQ-25-000264
BAQM normal qidalanmanı əvəz etmir.
Tövsiyə olunan sutkalıq dozanı keçməyin.
Hamiləlik və laktasiya dövründə, xəstəlik və ya dərman istifadəsi zamanı həkimlə məsləhətləşin.
Xəstəliklərin müalicəsi məqsədi ilə istifadə edilə bilməz.

ГОСТ 28499-2014 üzrə istehsal olunur.
İstehsalçı: “Herba Flora” MMC
Azərbaycan Respublikası,
Abşeron rayonu, Qobu ŞTQ,
Güzdək yolunun üstü.
www.herba-flora.com

Herba Flora məhsullarını necə əldə edə bilərəm?

Herba Flora məhsullarını ölkə üzrə bütün apteklərdən və FitoClub mağazalar şəbəkəsindən əldə edə bilərsiniz.

Herba Flora məhsullarının qiymətlərini ölkə üzrə bütün apteklərə yaxınlaşaraq öyrənə bilərsiniz.

Herba Flora məhsulları ilə bağlı sualları rəsmi Sosial Media hesablarımız (Instagram, Facebook, YouTube, TikTok, X) üzərindən bizə yönləndirə bilərsiniz. Suallar həftə içi iş günləri və iş saatları ərzində (08:00 – 16:30) növbə ilə cavablandırılır.

Çatdırılma xidməti ilə bağlı FitoClub mağazalar şəbəkəsinə və online apteklərə müraciət edə bilərsiniz.

Fizuli Hüseynovun qəbuluna yazılmaq üçün Herba Medical Center ilə əlaqə saxlamağınız xahiş olunur.

Əlaqə nömrələri:
(012) 409 62 35
(055) 304 26 79

Ünvan: Sabunçu rayonu, Bəşir Bünyadov 2578-ci məhəllə.

Herba Medical Center Koroğlu m/st yaxınlığında yerləşir. Pasiyentlərin rahat gəliş-gedişi üçün metrodan tibb mərkəzinə və geriyə nəqliyyat servisi təşkil olunmuşdur.

Ətraflı Məlumat

Bronxofort – Rahat nəfəs, təbii kömək!

Bronxofort şərbəti yuxarı tənəffüs yolları xəstəlikləri və öskürək zamanı kompleks qulluq təmin edən, zəngin bitki ekstraktları və distillatlarından hazırlanmış bioloji aktiv qida məhsuludur. Bu şərbət bəlğəmin yumşalmasına və xaric olmasının sürətlənməsinə, bronxların spazmının azalmasına və allergik qıcıqlanmanın qarşısının alınmasına kömək edir. İltihab əleyhinə, antiseptik və immunstimullaşdırıcı xüsusiyyətləri sayəsində orqanizmin ümumi müqavimətini artırmağa dəstək olur, rahat tənəffüsün bərpasına yardım edir.

Əsas təsiredici maddələr:

  • İri bağayarpağı (Plantago major) yarpağı: selikli maddələr, qlikozidlər (aukubin), flavonoidlər, vitamin K, askorbin turşusu (vitamin C), aşı maddələri.
  • Dərman gülxətmi (Althaea officinalis) kökü: bol miqdarda selikli maddələr (polisaxaridlər), saxaroza, betain, pektin, alma turşusu.
  • Adi qaraqınıq (Origanum vulgare) otu: efir yağları (timol, karvakrol), flavonoidlər, askorbin turşusu (vitamin C), taninlər, kumarinlər.
  • Meşəlik əməköməci (Malva sylvestris) yarpağı: selikli maddələr, antosianin qlikozidləri (malvin), karotinoidlər, vitamin C, aşı maddələri.
  • Adi cirə (Anisum vulgare) meyvəsi: efir yağları (anetol, metilxavikol, cirə aldehidi), yağ turşuları, zülallar.
  • Sürünən kəklikotu (Thymus serpyllum) otu: efir yağları (timol, karvakrol, simol), aşı maddələri, flavonoidlər, üzvi turşular.

Bronxofort şərbətinin faydaları:

  • Tənəffüs yollarında iltihab proseslərinin azaldılmasını dəstəkləyir: selikli qişalarda yaranan iltihabın kəskinliyini və yayılmasını azaltmağa, zədələnmiş toxumaların bərpasını sürətləndirməyə və tənəffüs yollarının ümumi rahatlığına yardımçı olur.
  • Bəlğəmin xaric olunmasına kömək edir: yuxarı tənəffüs yollarının selikli qişasının sekretor qabiliyyətini artırmağa, bəlğəmin konsistensiyasını yumşaltmağa və kirpikli epitelinin hərəki aktivliyini gücləndirməyə yardımçı olur.
  • Bronxların spazmının və allergik reaksiyaların azaldılmasını dəstəkləyir: bronxiların saya əzələlərinin spazmını azaldaraq nəfəsalmanın asanlaşmasına kömək edir.
  • İmmunitetin güclənməsinə və orqanizmin müqavimətinin artmasına dəstək olur: hüceyrə səviyyəsində interferon sintezini stimullaşdırmağa və bədənin xəstəliklərə qarşı ümumi müdafiə qabiliyyətini yüksəltməyə yardımçı olur.

Bronxofort şərbət kimlər üçün uyğundur?

  1. Quru və bəlğəmli öskürəkdən əziyyət çəkənlər üçün: bəlğəmi yumşaldaraq tənəffüs yollarından xaric olunmasını asanlaşdırır.
  2. Yuxarı tənəffüs yollarında iltihabı olanlar üçün: boğazda yaranan iltihabı, qıcıqlanmanı və şişkinliyi azaldır.
  3. Bronxial spazm və allergik öskürəyi olanlar üçün: bronxları genişləndirərək nəfəsalmanı yaxşılaşdırır və boğulma tutmalarının qarşısını alır.
  4. Tez-tez soyuqdəymə və infeksiyaya yoluxanlar üçün: yuxarı tənəffüs yollarında zərərli mikroorqanizmlərin (bakteriya və virusların) çoxalmasının qarşısını almağa və yerli müdafiə baryerini möhkəmləndirməyə yardımçı olur.

Əlaqəli bloq yazıları:

Ağciyərlərə faydalı təbii vasitələr.

Oxşar Məhsullar