Məhsullar

Meteonat

DƏRMAN VASİTƏSİ DEYİLDİR!

Tərkibi (100 ml):
Adi razyana (Foeniculum vulgare fruit distillate) meyvəsinin distillatı – 23 ml; Aptek çobanyastığı (Chamomilla recutita flower liquid extract) çiçəyinin duru ekstraktı – 23 ml.
Köməkçi maddələr: distillə suyu, saxaroza, limon turşusu (E330), pektin (E440), natrium benzoat (E211), qliserin (E422).

İstifadə qaydası:
2-4 yaş uşaqlar üçün 5 ml (1 çay qaşığı) gündə 3 dəfə;
4-7 yaş uşaqlar üçün 10 ml (2 çay qaşığı) gündə 3 dəfə;
7-12 yaş uşaqlar üçün 15 ml (1 xörək qaşığı) gündə 3 dəfə;
12 yaşdan yuxarı uşaqlar və böyüklər üçün 30 ml (2 xörək qaşığı) gündə 3 dəfə yeməkdən əvvəl daxilə qəbul olunur.
Tərkibində şəkər olduğuna görə şəkərli diabeti olan xəstələr şərbətdən ehtiyatla istifadə etməlidirlər.

Qeyd: Yaş həddi və istifadə dozası həkim məsləhəti ilə dəyişdirilə bilər.
2-4 yaş uşaqların istifadəsi üçün uyğundur.
4-14 yaş uşaqların istifadəsi üçün uyğundur.

Əks-göstərişlər: Şərbətin tərkibinə daxil olan bioloji aktiv maddələrə qarşı yüksək fərdi həssaslıq.

Saxlanılması:
25°C-dən yuxarı olmayan temperaturda və uşaqların əli çatmayan yerdə saxlayın. Qapağı açıldıqdan sonra 20 gün müddətində istifadəyə yararlıdır. İstifadə müddəti qurtarmış şərbətdən istifadə etməyin.

Yararlılıq müddəti: 3 il.

Buraxılış forması: Şərbət, 100 ml şüşə flakonda, karton qutu qablaşdırmada.

Reseptsiz buraxılır.
Dərman vasitəsi deyil.
Bioloji aktiv qida məhsuludur.
MQ-25-000113
BAQM normal qidalanmanı əvəz etmir.
Tövsiyə olunan sutkalıq dozanı keçməyin.
Hamiləlik və laktasiya dövründə, xəstəlik və ya dərman istifadəsi zamanı həkimlə məsləhətləşin.
Xəstəliklərin müalicəsi məqsədi ilə istifadə edilə bilməz.

ГОСТ 28499-2014 üzrə istehsal olunur.

İstehsalçı: “Herba Flora” MMC
Azərbaycan Respublikası,
Abşeron rayonu, Qobu ŞTQ,
Güzdək yolunun üstü.
www.herba-flora.com

Herba Flora məhsullarını necə əldə edə bilərəm?

Herba Flora məhsullarını ölkə üzrə bütün apteklərdən və FitoClub mağazalar şəbəkəsindən əldə edə bilərsiniz.

Herba Flora məhsullarının qiymətlərini ölkə üzrə bütün apteklərə yaxınlaşaraq öyrənə bilərsiniz.

Herba Flora məhsulları ilə bağlı sualları rəsmi Sosial Media hesablarımız (Instagram, Facebook, YouTube, TikTok, X) üzərindən bizə yönləndirə bilərsiniz. Suallar həftə içi iş günləri və iş saatları ərzində (08:00 – 16:30) növbə ilə cavablandırılır.

Çatdırılma xidməti ilə bağlı FitoClub mağazalar şəbəkəsinə və online apteklərə müraciət edə bilərsiniz.

Fizuli Hüseynovun qəbuluna yazılmaq üçün Herba Medical Center ilə əlaqə saxlamağınız xahiş olunur.

Əlaqə nömrələri:
(012) 409 62 35
(055) 304 26 79

Ünvan: Sabunçu rayonu, Bəşir Bünyadov 2578-ci məhəllə.

Herba Medical Center Koroğlu m/st yaxınlığında yerləşir. Pasiyentlərin rahat gəliş-gedişi üçün metrodan tibb mərkəzinə və geriyə nəqliyyat servisi təşkil olunmuşdur.

Ətraflı Məlumat

Meteonat – Köpə qarşı təbii dəstək

Meteonat şərbəti həzm sisteminin fəaliyyətini tənzimləmək, köp və sancıları aradan qaldırmaq üçün nəzərdə tutulmuş təbii bitki tərkibli bioloji aktiv qida məhsuludur.
Kimyəvi preparatlardan fərqli olaraq orqanizmdə öyrəşmə yaratmayan Meteonat şərbəti mədə-bağırsaq traktında qazların əmələ gəlməsinin qarşısını alır, yığılmış köpü xaric edir və həzm vəzilərinin sekresiyasını artıraraq ümumi həzmi asanlaşdırır. Həm uşaqlar, həm də böyüklər üçün rahat qəbul edilə bilən dadlı bir şərbətdir.

Əsas təsiredici maddələr:

  • Adi razyana meyvəsi (Foeniculum vulgare): anetol, fenxon, metilhavikol (estragol), flavonoidlər (kversitin, rutin), üzvi turşular.
  • Aptek çobanyastığı (Chamomilla recutita): xamazulen, alfa-bisabolol, flavonoidlər (apigenin, luteolin).

Meteonat şərbətinin faydaları:

  • Həzm sisteminin motorikasını tənzimləyir, bağırsaqlarda yığılmış qazların xaric olmasını asanlaşdırır, spazmları (sancıları) aradan qaldırır, iştahanı artırır və həzm prosesini yaxşılaşdırır.
  • İltihab əleyhinə və antiseptik təsir göstərir, mədə-bağırsaq traktının selikli qişasını sakitləşdirir və ümumi gərginliyi azaltmağa kömək edir.

Meteonat şərbət kimlər üçün uyğundur?

  1. Meteorizm və qaz problemi olanlar: bağırsaqlarda qıcqırma prosesini dayandırmaq, qazların yaranmasının qarşısını almaq və yığılmış qazın sürətlə xaric olmasını təmin etmək istəyən şəxslər.
  2. Xroniki və ya kəskin qəbizlikdən əziyyət çəkənlər: yoğun bağırsağın peristaltikasını (hərəkətliliyini) sürətləndirməyə ehtiyacı olanlar.
  3. Həzm pozulması və öd durğunluğu olanlar: həzm vəzilərinin fəaliyyətini aktivləşdirmək və öd ifrazını artırmaqla ümumi həzm prosesini yaxşılaşdırmaq istəyənlər.
  4. Mədə-bağırsağın iltihabından əziyyət çəkənlər: xüsusilə qəbizliklə müşayiət olunan enterit (nazik bağırsağın iltihabı) və kolit (yoğun bağırsağın iltihabı) zamanı.

Əlaqəli bloq yazıları:

Köp və həzmsizlik nədir? Nədən yaranır?

Oxşar Məhsullar