Kəpək nədir?
Saçların kəpəklənməsi həm onilliklər əvvəl, həm də müasir dünyamızın insanlarını ciddi surətdə narahat edən problemlərdəndir. Saç dərisinin kəpəklənməsi bir sıra xəstəliklərin, qidalanma qaydalarının, pis vərdişlərin, digər məişət faktorları və düzgün olmayan gigiyenik vasitələrin istifadəsi səbəblərindən qaynaqlanır. Kəpək, baş dərisindəki ölü dəri hüceyrələrinin həddindən artıq əmələ gəlməsi və tökülməsi nəticəsində yaranır.
Kəpəklənmənin səbəbləri
Seboreik dermatit
Saçların kəpəklənməsinə səbəb olan əsas xəstəliklərdən biridir. Baş dərisinin yağlı və qızarmış olması, həmçinin sızanaqlarla müşayiət edilir. Belə insanların saçları yağlı olduğundan tez-tez yuyulur, bu da saçların getdikcə çox seyrəkləşməsinə səbəb olur.
Quru baş dərisi
Soyuq hava şəraiti və ya sərt şampunlardan istifadə quru dərini daha da qıcıqlandırır.
Malassezia göbələyi
Bu göbələk normal dəridə də olur, lakin həddindən artıq çoxaldıqda kəpəyə səbəb ola bilər.
Allergik reaksiyalar
Bəzi şampun və saç baxımı məhsullarına qarşı həssaslıq kəpəyə yol aça bilər.
Saçların düzgün yuyulmaması
Saçlar vaxtlı-vaxtında yuyulmadıqda toplanan yağ və ölü dəri hüceyrələri kəpək yaranmasına səbəb olur.
Stress və zəif immun sistemi
Stress baş dərisinin yağ balansının pozulmasına səbəb ola bilər.
Vitamin və mineral çatışmazlığı
Xüsusilə B qrupu vitaminləri, sink və Omeqa-3 çatışmazlığı kəpəklənməni artıra bilər.
Kəpəklənmənin əlamətləri nələrdir?
Baş dərisində ağ və ya sarı rəngli pulcuqlar
Baş dərisində qaşınma və qızartı
Saçın dibində və çiyinlərdə görünən kəpək hissəcikləri
Baş dərisində quruluq və ya yağlılıq hissi
Üzün, boynun və başın dərisində quruluq və parıltı
Kəpəklənmənin qarşısını almaq üçün tövsiyələr
Saçlarda kəpəklənmənin müalicəsini aparmaq üçün ilk növbədə aşağıda göstərilən aptek şampunlarından istifadə etmək və kimyəvi müalicəvi vasitələrdən istifadəyə başlamaq məsləhətlidir. Bunlar aşağıdakılardır:
Sink piritionlu şampunlar (göbələklərə qarşı təsirlidir)
Salisilik turşulu şampunlar (ölü dərinin tökülməsini sürətləndirir)
Ketokonazol tərkibli şampunlar (göbələkləri öldürür)
Kömür və qatranlı şampunlar (dəri hüceyrələrinin çoxalmasını ləngidir)
Təbii müalicə üsullarından da istifadə etmək böyük fayda verə bilər. Belə ki, çay ağacı yağı antibakterial və göbələk əleyhinə təsir göstərir, aloe vera baş dərisini sakitləşdirir və nəmləndirir, kokos yağı baş dərisini nəmləndirir və göbələklərlə mübarizə aparır, alma sirkəsi isə pH balansını tənzimləyir və mühiti dəyişərək kəpəyi azalda bilir.
Saçlarda və baş dərisində kəpəklənmənin müalicəsində vacib nüanslardan biri də düzgün qidalanma və düzgün seçilən həyat tərzidir. Bol su içmək və balanslı qidalanmaq, şəkərli və yağlı qidalardan uzaq durmaq, B qrup vitaminləri, sink və Omeqa-3 mənbəyi olan qidalar (balıq, qoz-fındıq, yumurta və s.) qəbul etmək, stressi idarə etmək üçün idman və meditasiya ilə məşğul olmaq lazımdır.
Əgər kəpəklənmə uzun müddət davam edirsə və dəridə şiddətli qaşınma, yaralar və ya qızartılar varsa, “Herba Flora” şirkətinin Teader və Sedativ çaylarından, Nevronat şərbətindən və ayrıca Yatıqqanqal bitkisinin dəmləməsindən istifadə etmək faydalıdır. Bundan başqa “Herba Flora” şirkətinin kəpək əleyhinə Fitoton şampunlarından da istifadə etsəniz qısa zamanda nəticə əldə edə bilərsiniz.
