Disbakterioz nədir?
Disbakterioz, bakteriyaların növ tərkibinin dəyişməsi ilə əlaqəli, bağırsaq mikroflorasının pozulması nəticəsində yaranan bir vəziyyətdir. Bağırsaq disbakteriozu başqa sözlə disbioz, bağırsaq fəaliyyətini pozan, normal bağırsaq florasının tərkibində patoloji dəyişiklik ilə xarakterizə olunan bir xəstəlikdir. Disbakterioz nəticəsində faydalı bifido- və laktobasillərin sayı azalır, patogen (xəstəlik yaradan) mikroorqanizmlərin sayı artır.
Disbakteriozun yaranma səbəbləri
Həzm orqanlarının bir çox xəstəlikləri və onların kimyəvi preparatlarla müalicəsinin nəticələri, həmçinin zərərli ekoloji amillərə məruz qalma disbakterioza səbəb ola bilir. Bağırsaq disbakteriozu demək olar ki, heç vaxt əsas patologiya sayılmır, orqan və ya sistemlərin fəaliyyətində müəyyən pozulmalar nəticəsində və ya mikroorqanizmlərə mənfi təsir göstərən dərman və maddələrin qəbulunun təsiri altında inkişaf edir. Disbakterioz həmçinin cərrahi müdaxilənin nəticəsi ola bilər.
Yalnış və balanlaşdırılmamış qidalanma, pəhrizdə vacib komponentlərin çatışmazlığı, pəhrizin pozulması kimi hallar da disbakteriozun inkişafına şərait yaradır. Bunlardan başqa müxtəlif növ psixoloji stress, yoluxucu bağırsaq xəstəlikləri, həzm orqanlarının pankreatit, hepatit, qastrit kimi xəstəlikləri, immun və endokrin xəstəliklər, metabolik pozulmalar, bioritmlərin pozulması, bağırsaq hərəkətliliyinin pozulması halları da disbakteriozun yaranmasına kömək edir.
Yetkin bir insanın bağırsaqlarında normal olaraq təxminən 2-3 kq (təxminən 500 növ) müxtəlif mikroorqanizmlər olur. Bunlar həzm prosesində birbaşa iştirak edən simbiotik bakteriyalardır. Sağlam orqanizmin mikroflorasının keyfiyyət və kəmiyyəti, insanın özünə məxsus fizioloji tarazlıq vəziyyətində olur və normobiosenoz (eubioz) adlanır. Bağırsaq florasının tərkibi dəyişdikdə bu tarazlıq pozulur, bu da bağırsağın həzm qabiliyyətinə mənfi təsir göstərir.
Disbakteriozun əsas klinik əlamətləri
- Dispeptik sindrom – ishal, köp, şişkinlik, gəyirmə və ağızda yaranan xoşagəlməz dad, bağırsaqlarda gurultu
- Qida məhsullarına əvvəl xarakterik olmayan allergik reaksiyaların inkişafı
- Malabsorbsiya sindromu, metabolik substratların çatışmazlığı – zülal çatışmazlığı, müxtəlif hipovitaminozlar, B vitamin qrupunun çatışmazlığı, anemiya, ion balansının pozulması, kalsium çatışmazlığı
- Bədənin intoksikasiyası – zəiflik, iştahasızlıq, subfebril temperatur, baş ağrıları
- İmmunitetin azalması – yoluxucu xəstəliklərin, göbələk xəstəliklərinin artması
Klinik qastroenterologiyada bağırsaq disbakteriozunun diaqnozu şikayətlər əsasında xarakterik dispeptik pozulmaların müəyyən edilməsi ilə başlayır və xəstəyə fiziki müayinə aparılır. Diaqnoz zamanı, bir qayda olaraq, disbakteriozun simptomları ilkin patologiyanın fonunda görünür. Mikrofloranı məhv edən dərmanlarla müalicənin olub-olmamasına diqqət yetirmək vacibdir.
Normal mikrofloranın bərpası probiotiklər (canlı mikroorqanizmlərə malik olan dərmanlar), prebiotiklər (faydalı floranın çoxalmasını təmin edən maddələr), sinbiotiklər (həm mikroorqanizmləri, həm də floranın inkişafı üçün zəruri olan komponentləri özündə birləşdirən kompleks preparatlar) vasitəsi ilə bərpa edilir.
- “Herba Flora” şirkətinin istehsalı olan Qastren çayı, Dianat, Meteonat şərbətləri və Cumin10 kapsulu mədə bağırsaq xəstəliklərinin və disbakteriozun müalicəsində əvəzsiz təbii vasitələrdir.