Məhsullar

Şəfa Vitamini

DƏRMAN VASİTƏSİ DEYİLDİR!

Tərkibi (100 ml):
İt itburnu (Rosa canina fruit liquid extract) meyvəsinin duru ekstraktı – 10 ml; adi kəklikotu (Thymus vulgaris herb distillate) otunun distillatı – 6 ml; ikievli gicitkən (Urtica dioica leaf liquid extract) yarpağının duru ekstraktı – 5 ml; ürəkvari cökə (Tilia cordata flower liquid extract) çiçəyinin duru ekstraktı – 5 ml.
Köməkçi maddələr: Qara qarağat (Ribes nigrum fruit juice) meyvəsinin şirəsi – 10 ml; göyümtül böyürtkən (Rubus caesius fruit juice) meyvəsinin şirəsi – 9 ml; adi çuğundur (Beta vulgaris root juice) meyvəkökünün şirəsi – 1 ml; distilled water, sucrose, citric acid (E330), pectin (E440), sodium benzoate (E211), glycerin (E422).

İstifadə qaydası:
4-7 yaş uşaqlar üçün 10 ml (2 çay qaşığı) gündə 3 dəfə;
7-12 yaş uşaqlar üçün 15 ml (1 xörək qaşığı) gündə 3 dəfə;
12 yaşdan yuxarı uşaqlar və böyüklər üçün 30 ml (2 xörək qaşığı) gündə 3 dəfə yeməkdən 15-20 dəqiqə əvvəl daxilə qəbul olunur.
Qəbul müddəti 20 gündür.
Tərkibində şəkər olduğuna görə şəkərli diabeti olan xəstələr şərbətdən ehtiyatla istifadə etməlidirlər.

Qeyd: Yaş həddi və istifadə dozası həkim məsləhəti ilə dəyişdirilə bilər.
4-14 yaş uşaqların istifadəsi üçün uyğundur.

Əks göstərişlər: Şərbətin tərkibinə daxil olan bioloji aktiv maddələrə qarşı yüksək fərdi həssaslıq.

Saxlanılması:
25°C-dən yuxarı olmayan temperaturda və uşaqların əli çatmayan yerdə saxlayın. Qapağı açıldıqdan sonra 20 gün müddətində istifadəyə yararlıdır. İstifadə müddəti qurtarmış şərbətdən istifadə etməyin.

Yararlılıq müddəti: 3 ildir.

Buraxılış forması: Şərbət, 100 ml şüşə flakonda, karton qutu qablaşdırmada.

Reseptsiz buraxılır.
Dərman vasitəsi deyil.
Bioloji aktiv qida məhsuludur.
MQ-25-000087
BAQM normal qidalanmanı əvəz etmir.
Tövsiyə olunan sutkalıq dozanı keçməyin.
Hamiləlik və laktasiya dövründə, xəstəlik və ya dərman istifadəsi zamanı həkimlə məsləhətləşin.
Xəstəliklərin müalicəsi məqsədi ilə istifadə edilə bilməz.

ГОСТ 28499-2014 üzrə istehsal olunur.

İstehsalçı: “Herba Flora” MMC
Azərbaycan Respublikası,
Abşeron rayonu, Qobu ŞTQ,
Güzdək yolunun üstü.
www.herba-flora.com

Herba Flora məhsullarını necə əldə edə bilərəm?

Herba Flora məhsullarını ölkə üzrə bütün apteklərdən və FitoClub mağazalar şəbəkəsindən əldə edə bilərsiniz.

Herba Flora məhsullarının qiymətlərini ölkə üzrə bütün apteklərə yaxınlaşaraq öyrənə bilərsiniz.

Herba Flora məhsulları ilə bağlı sualları rəsmi Sosial Media hesablarımız (Instagram, Facebook, YouTube, TikTok, X) üzərindən bizə yönləndirə bilərsiniz. Suallar həftə içi iş günləri və iş saatları ərzində (08:00 – 16:30) növbə ilə cavablandırılır.

Çatdırılma xidməti ilə bağlı FitoClub mağazalar şəbəkəsinə və online apteklərə müraciət edə bilərsiniz.

Fizuli Hüseynovun qəbuluna yazılmaq üçün Herba Medical Center ilə əlaqə saxlamağınız xahiş olunur.

Əlaqə nömrələri:
(012) 409 62 35
(055) 304 26 79

Ünvan: Sabunçu rayonu, Bəşir Bünyadov 2578-ci məhəllə.

Herba Medical Center Koroğlu m/st yaxınlığında yerləşir. Pasiyentlərin rahat gəliş-gedişi üçün metrodan tibb mərkəzinə və geriyə nəqliyyat servisi təşkil olunmuşdur.

Ətraflı Məlumat

Şəfa Vitamini – Təbii vitamin zənginliyi ilə orqanizminizin müdafiəsi

Şəfa Vitamini şərbəti, immun sistemini möhkəmləndirmək, orqanizmi vacib vitamin və minerallarla təmin etmək üçün xüsusi olaraq hazırlanmış, bitki mənşəli bioloji aktiv qida məhsuludur. Güclü antioksidant və soyuqdəymə əleyhinə təsir göstərərək maddələr mübadiləsini tənzimləyir, uşaqların fiziki-zehni inkişafını dəstəkləyir və keçirilmiş xəstəliklərdən sonra bədənin bərpasına kömək edir.

Əsas təsiredici maddələr:

  • İt itburnu (Rosa canina) meyvəsi: askorbin turşusu (C vitamini), karotinoidlər (beta-karotin), flavonoidlər (rutin), pektinlər.
  • Adi kəklikotu (Thymus vulgaris) otu: timol, karvakrol, flavonoidlər, saponinlər.
  • İkievli gicitkən (Urtica dioica) yarpağı: K1 vitamini (filloxinon), xlorofil, qarışqa turşusu, histamin, asetilxolin.
  • Ürəkvari cökə (Tilia cordata) çiçəyi: flavonoidlər (tilirozid, kversetin), efir yağları (farnesol), selikli maddələr.

Köməkçi maddələr:

  • Qara qarağat (Ribes nigrum) meyvəsi: yüksək miqdarda askorbin turşusu (C vitamini), antosianlar (delfinidin, sianidin), sitrat (limon turşusu), fruktoza və qlükoza.
  • Göyümtül böyürtkən (Rubus caesius) meyvəsi: flavonoidlər (rutin, hiperozid), qall turşuları, antosianlar.
  • Adi çuğundur (Beta vulgaris) meyvəkökü: betalainlər (betasianin, betaksantin — tünd qırmızı rəng verən güclü antioksidantlar), betain, saponinlər.

Şəfa vitamininin faydaları:

  • İmmuniteti gücləndirir və orqanizmi qoruyur: bədəni vacib vitamin və minerallarla təmin edir, hüceyrələri zərərli maddələrin (toksinlərin) və sərbəst radikalların mənfi təsirlərindən müdafiə edir.
  • Soyuqdəyməyə qarşı müqaviməti artırır: soyuqdəymə əleyhinə təsir göstərərək bədənin yoluxucu və infeksion xəstəliklərə qarşı müdafiə gücünü aktivləşdirir.
  • Ümumi sağlamlığı və maddələr mübadiləsini dəstəkləyir: qan dövranını normallaşdırır, həzm prosesini yaxşılaşdırır və maddələr mübadiləsini nizamlayır.
  • Vitamin çatışmazlığını (avitaminozu) aradan qaldırmağa kömək edir: bədəndə yaranan vitamin əskikliyini aradan qaldırır, natamam və qeyri-düzgün qidalanma zamanı orqanizmin vitamin balansını bərpa edir.
  • Uşaqların inkişafını dəstəkləyir: məktəb yaşlı uşaqlarda fiziki və zehni gərginliyi azaldır, boy artımını və normal inkişafı təmin edir, iştahsızlıq halını aradan qaldırır.
  • Qanazlığı zamanı orqanizmə kömək edir: tərkibində olan qara qarağat, gicitkən və çuğundur şirəsinin zəngin dəmir tərkibi sayəsində dəmirdefisitli anemiyalar zamanı qan hüceyrələrinin istehsalını dəstəkləyir. İtburnu meyvəsindəki yüksək C vitamini dəmirin mədə-bağırsaq sistemindən tez və asan sorulmasını təmin edir.
  • Müalicə və əməliyyatlardan sonra bərpa prosesini sürətləndirir: ağır infeksion və cərrahi xəstəliklərdən sonrakı reabilitasiya dövründə bədənin tez toparlanmasına kömək edir.

Şəfa vitamini kimlər üçün uyğundur?

  1. Vitamin çatışmazlığı olanlar: bədəndə yaranan vitamin əskikliyini aradan qaldırmaq və qarşısını almaq üçün.
  2. Tez-tez soyuqdəymə və infeksiyalara yoluxanlar: immun sistemini möhkəmləndirmək və orqanizmin xəstəliklərə qarşı müdafiə gücünü artırmaq üçün.
  3. İştahasızlıqdan əziyyət çəkənlər: zəif iştaha zamanı vitamin çatışmazlığını aradan qaldırmaq və qida qəbulunu tənzimləmək məqsədilə.
  4. Məktəb yaşlı uşaqlar və yeniyetmələr: dərs və idmanla bağlı yaranan fiziki və psixoemosional gərginliyi azaltmaq üçün.
  5. İnkişafdan geri qalan uşaqlar: boy artımını, fiziki inkişafı dəstəkləmək və natamam qidalanmanın mənfi təsirlərini aradan qaldırmaq üçün.
  6. Qeyri-düzgün qidalananlar: gün ərzində vitamin və minerallarla zəngin qidalar qəbul edə bilməyənlərdə vitamin balansını təmin etmək üçün.

Əlaqəli bloq yazıları:

Əlaqəli yazı mövcud deyil.

Oxşar Məhsullar