Menu
Menu
İstifadəsinə göstəriş:
Bürüyücü, iltihab əleyhinə və ağrıkəsici vasitə kimi udlağın və qırtlağın xəstəliklərində, hiperasid qastritdə, xora xəstəliyində tətbiq edilir, bəlğəmgətirici vasitə kimi traxeitdə, bronxitdə və bronxial astmada təyin olunur.
İstifadə qaydası:
İki xörək qaşığı xammalın üzərinə 200 ml (1 stəkan) qaynar su tökülür, qaynayan su hamamında 30 dəq. dəmlənir, otaq temperaturunda soyudulur, süzülür. Böyüklər üçün gündə 4-5 dəfə, hər dəfə 1/3 stəkan, uşaqlar üçün gündə 3-5 dəfə, hər dəfə 1-2 desert qaşığı daxilə qəbul edilir.
Herba Flora məhsullarını ölkə üzrə bütün apteklərdən və FitoClub mağazalar şəbəkəsindən əldə edə bilərsiniz.
Herba Flora məhsullarının qiymətlərini ölkə üzrə bütün apteklərə yaxınlaşaraq öyrənə bilərsiniz.
Çatdırılma xidməti ilə bağlı FitoClub mağazalar şəbəkəsinə və online apteklərə müraciət edə bilərsiniz.
Fizuli Hüseynovun qəbuluna yazılmaq üçün Herba Medical Center ilə əlaqə saxlamağınız xahiş olunur.
Əlaqə nömrələri:
(012) 409 62 35
(055) 304 26 79
Ünvan: Sabunçu rayonu, Bəşir Bünyadov 2578-ci məhəllə.
Herba Medical Center Koroğlu m/st yaxınlığında yerləşir. Pasiyentlərin rahat gəliş-gedişi üçün metrodan tibb mərkəzinə və geriyə nəqliyyat servisi təşkil olunmuşdur.
Gülxətmi çoxillik dərman bitkisi olub hündürlüyü 1,5 metrə çatır. Gülxətmi əsasən Avropa, Qərbi Asiya, Orta Şərqdə geniş yayılıb. Bitki ən çox rütubətli ərazilərdə bitir. Gülxətminin kökləri və çiçəkləri L-aspargin, karotin, fitosterinlər, yağ turşuları, pektinlə zəngindir. Bundan başqa bitkinin tərkibində dəmir, kalium, kalsium, maqnezium, sink, selen, yod kimi mineral maddələr də var.
Dərman gülxətmisi bəlğəmgətirici, öskürək əleyhinə, ağrıkəsici, yumşaldıcı, iltihab əleyhinə, bürüyücü təsir göstərir. Gülxətmi protektor bitki hesab olunur. Demək olar, bütün orqan sistemlərinə təsir göstərir. Gülxətmi tərkibindəki polisaxaridlər hesabına həcmcə çoxalaraq selikli qişanın və dərinin səthini bürüyür. Gülxətmi uzun illərdən bəri akademik təbabətdə tənəffüs yolu xəstəliklərinin kompleks müalicəsində, əsasən də bronxit, göyöskürək, ağciyərlərin obstruktiv xəstəliyi, bronxopnevmoniya və traxeitdə geniş istifadə olunub.
Selikli komponentlərlə zəngin olduğu üçün bitkini zəyərəklə belə müqayisə edirlər. Bu selikli maddələr tənəffüs yollarının selikli qişasını bürüyür, iltihab nahiyələrini qıcıqlanmadan qoruyur. Bitki həmçinin xəstələrdə öskürəyi azaldır, zədələnmiş toxumaların bərpasını sürətləndirir, bəlğəmin xaric olmasını asanlaşdırır. Bu o deməkdir ki, gülxətmi bəlğəmi durulaşdırmaqdan əlavə tənəffüs yollarında kirpikli epitelini ehtizaza gətirərək bəlğəmin rahat çıxarılmasını təmin edir.
Gülxətmi mədə-bağırsaq xəstəliklərində də faydalıdır. Bitki kökləri seliklə zəngin olduğu üçün mədə və bağırsaqların divarını bürüyür, onları qıdanın tərkibində olan qıcıqlandırıcı maddələrdən qoruyur. Gülxətmidən hazırlanan dərman preparatları ürək-damar sisteminin fəaliyyətini möhkəmləndirir. Bitki profilaktik məqsədlə istifadə edildikdə də istənilən yaşda ürək-damar sistemi xəstəliklərinin inkişaf riskini azaldır. Antioksidant və iltihab əleyhinə xüsusiyyətləri hesabına damar divarını möhkəmləndirir, arterial təzyiqi normalaşdırır, həmçinin qastrit və xoranın müalicəsində geniş istifadə olunur.
Gülxətmi ekstraktı və cövhəri psoriaz və ekzema zamanı da effektlidir. Bitki bu xəstəliklərin inkişafının qarşısını alır, xəstələrdə simptomların intensivliyini azaldır. Gülxətmi dəmlənərək imalə şəklində diareya və dizenteriya zamanı da istifadə edilir. Bitkinin tərkibində olan polisaxaridlər faqositlərin aktivliyini artırır, immun sistemin cavabını sürətləndirir. Bu bitki bağırsaq peristaltikasını artırır, iştahanı azaldır, insanda toxluq hissi yaradaraq arıqlamağa kömək edir. Kosmetologiyada bitkinin ekstraktı akne, kəpək və sızanaqlarda da istifadə olunur.
Əlaqəli yazı mövcud deyil.
