Prolaks (Qəbizlik Əleyhinə Sirop)

Tərkibi (100 ml):

Şişyarpaq səna (Cassia acutifolia) yarpağının duru ekstraktı – 13,8 ml; İşlədici murdarça (Rhamnus cathartica) qabığının duru ekstraktı – 10,12 ml; Adi zəyərək (Linum usitatissimum) toxumunun duru ekstraktı – 6,9 ml; Adi razyana (Foeniculum vulgare) meyvəsinin distillatı – 5,06 ml; Adi boymadərən (Achillea millefolium) otunun duru ekstraktı – 5,06 ml; İri Bağayarpağı (Plantago major) toxumunun duru ekstraktı – 5,06 ml.

Köməkçi maddələr: təmizlənmiş distillə suyu, saxaroza, limon turşusu (E330), pektin (E440), natrium benzoat (E211), qliserin (E422).

Məhsulun xüsusiyyətləri:

Bağayarpağı və zəyərək toxumları selikli maddələrlə zəngin olduğundan bağırsaq möhtəviyyatını yumşaldır, qəbizliyin qarşısını alır, bağırsaqların selikli qişasının üzərini örtür, toksiki maddələrin qana sorulmasının qarşısını alır. Səna yarpağı və murdarça qabığı antraqlikozidlərlə zəngin olduğundan bağırsaqlardan suyun sorulmasını ləngidir, bağırsaq divarında olan reseptorları qıcıqlandıraraq peristaltikanı artırır və bağırsaqların boşalmasını təmin edir. Boymadərən otu həzm vəzilərinin sekresiyasını artırır, həzmi yaxşılaşdırır və bağırsaqların normal funksiyasını bərpa edir. Razyana toxumları efir yağları sayəsində bağırsaqlarda olan spazmı və sancını azaldır.

İstifadəsinə göstəriş (aşağıdakı hallarda yardımçı vasitə kimi istifadə olunur):

• Qəbizliklər, o cümlədən qəbizliklə müşayiət olunan kolitlər
• Disbakterioz, qəbizliklə müşayiət olunduqda
• Qidalanma ilə əlaqəli qəbizliklər
• Qəbizliklə müşayiət olunan digər xəstəliklər

İstifadə qaydası:

18 yaşdan yuxarı şəxslərə qəbizliyin yüngül formasında 1 xörək qaşığından gündə 2 dəfə, ağır hallarda 1-2 xörək qaşığından gündə 3 dəfə yeməkdən 30 dəqiqə əvvəl qəbul olunur. 2 həftədən artıq istifadəsi tövsiyə olunmur.

Tərkibində şəkər olduğuna görə şəkərli diabeti olan xəstələr şərbətdən ehtiyatla istifadə etməlidirlər.

Qeyd: Yaş həddi və istifadə dozası həkim məsləhəti ilə dəyişdirilə bilər.

Əks göstərişlər:

Şərbətin tərkibinə daxil olan bioloji aktiv maddələrə qarşı yüksək fərdi həssaslıqda, hamiləlik və laktasiya zamanı.

Saxlanılması:

25⁰ C-dən yuxarı olmayan temperaturda və uşaqların əlinin çatmayacağı yerdə saxlayın. Qapağı açıldıqdan sonra 20 gün müddətində istifadəyə yararlıdır. İstifadə müddəti qurtarmış şərbətdən istifadə etməyin.

Yararlılıq müddəti: 2 ildir.

Buraxılış forması:

Tünd rəngli şüşə flakon, 100 ml

• Reseptsiz buraxılır.
• Dərman vasitəsi deyil.
• Bioloji fəallığa malik qida əlavəsidir.
• Məhsul qidanı əvəz etmir.
• Tövsiyə edilən sutkalıq dozanı aşmayın.
• Hamiləlik və laktasiya dövründə, xəstəlik və ya dərman istifadəsi zamanı həkimlə məsləhətləşin.
• Xəstəliklərin müalicəsi məqsədilə istifadə olunmur.