Andız kökünün tərkibi
Andız kökü, qədim zamanlardan müalicəvi xüsusiyyətləri ilə tanınan və yüksək qiymətləndirilən bitkilərdən biridir. Çoxillik ot bitkisi sayılan andızın kök və yerüstü hissələri xalq təbabətində bir çox xəstəliklərin müalicəsində istifadə olunur. Bitki iki metrə qədər hündürlüyü və parlaq sarı çiçəkləri ilə fərqlənir.
Andız kökü çəmənliklərdə, yol kənarlarında, meşələrdə və nəmli torpaqlarda böyüyür. Bitki efir yağları, inulin, alkaloidlər, qatranlar, laktonlar, saponinlər, pektinlər, acı maddələr, selik, flavonoidlər, mum və digər faydalı maddələrlə zəngindir. Bu da onun xalq təbabətində geniş istifadəsini izah edir.
Andız kökünün xüsusiyyətləri
İltihab əleyhinə
İnsulinəbənzər
Spazmolitik
Həzm tənzimləyici
Sekretor
Bəlğəmgətirici
İştahaaçıcı
Sidikqovucu
Andız kökünün müalicəvi xüsusiyyətləri
Bitkinin müalicəvi xüsusiyyətləri, onun tənəffüs sistemi problemləri üçün əvəzsiz köməkçi vasitə olduğunu göstərir. Dərman bitkisi kimi andız kökü iltihab əleyhinə, bəlğəmgətirici, antiseptik və regenerasiyaedici təsirlərə malik olduğu üçün tənəffüs sistemi xəstəliklərinin müalicəsində yüksək təyin olunur. Öskürək zamanı bəlğəmin sekresiyasını artırır, konsistensiyasını durulaşdırır və xaric olmasını asanlaşdırır. Efir yağları və tərkibindəki qatranlar hesabına mikrob əleyhinə təsir göstərir. Yuxarı tənəffüs yollarının selikli qişasında iltihabın eksudativ fazasını əhəmiyyətli dərəcədə qısaldaraq xəstəliyin tez bir zamanda sağalmasını, iltihabın sorulmasını və regenerasiyanı sürətləndirir. Bitkinin faydalı xüsusiyyətlərini sadaladıqda qeyd etmək lazımdır əhvali-ruhiyyəni yaxşılaşdırır, yorğunluğu aradan qaldırır, əsəbləri sakitləşdirir və yuxunu normallaşdırır.
Andız kökü həmçinin həzm sisteminin işini yaxşılaşdırır, mədə şirəsinin ifrazını artırır və qastrit zamanı iltihab əleyhinə təsir göstərir. Tərkibindəki çox miqdarda bioloji aktiv komponentlər hesabına həzm traktına müsbət təsir göstərir, iştahanı artırır, bağırsaqlardakı spazmı aradan qaldırır. Bitkinin əsas müalicəvi xüsusiyyətlərindən biri də bağırsaq parazitləri əleyhinə göstərdiyi təsirdir. Belə ki, askaridoz əleyhinə təsiri onun qurdların müalicəsində istifadəsinə geniş yol açır. Mədə-bağırsaq traktının digər xəstəlikləri, xüsusən babasilin də müalicəsində istifadəsi yaxşı nəticə verir.
Bundan başqa andız kökü oynaq ağrılarında, revmatizm xəstəliyinin müalicəsində, menstrual siklin pozulmasında, öd daşı və böyrək daşı xəstəliklərində də müsbət effekt verir. Sidik-cinsiyyət yolları xəstəliklərinin müalicəsində də andız kökündən həm tək halda, həm də bir sıra yığıntıların tərkibində istifadə olunur. Əsasən sidik-cinsiyyət yollarının selikli qişalarına antiseptik, iltihab əleyhinə təsir göstərir və iltihabın sürətlə sorulmasını təmin edir.
Şəkərli diabeti olan xəstələrin təbii yolla müalicəsində hipoqlikemik vasitə kimi istifadə olunur. Andız kökünün tərkibindəki inulin adlı maddə insulinəbənzər təsirə malikdir, qlükozanın toxuma və hüceyrələrə daşınmasında iştirak edir, şəkərsalıcı effekt verir.
- “Herba Flora” şirkətinin istehsal etdiyi Mirfazin çayı tərkibindəki andız kökünün güclü hipoqlikemik təsir göstərdiyinə görə pasiyentlərin rəğbətini qazanıb və uzun illər sevilərək içilir.
Bu keyfiyyətli bitki “Herba Flora” şirkətinin Teaqrip, Teasept və Teazol çaylarının tərkibini zənginləşdirərək soyuqdəymə, kəskin respirator xəstəliklər, qurd invaziyaları və qrip kimi xəstəliklərin müalicəsində istifadə etməyiniz üçün ixtiyarınıza verilmişdir.