Fi̇tolosyon

Sızanaq, civzə, müxtəlif mənşəli səpgilər və yeni əmələ gəlmiş piqment ləkələrinin qarşısını almaq üçün istifadə olunur.

Tərkibi: Aptek çobanyastığı cövhəri, gülüm¬bahar cövhəri, xiyar cövhəri, əməköməci cövhəri, salisil turşusu, etil spirti, distillə suyu.

İstifadəsinə göstəriş: Fitolosyon mütəmadi istifadə zamanı dərinin xarici təsirlərə qarşı dözümlüyünü artırır, iltihab əlamətlərini azaldır, qızartı və kəpəklənməni aradan qaldırır. Salisil turşusu dərinin pH-nı tənzimləyərək bakteriya və göbələklərin inkişafının qarşısını alır. Bitki ekstraktlarının antiseptik təsiri sayəsində dəridə mikrobların inkişafını ləngidir, civzə və sızanaqların əmələ gəlməsinin qarşısını alır. Həmçinin yaranmış sızanaqların iz buraxmadan sağalmasına yardım edir. Dərinin elastikliyini artırır və onu təravətləndirir.

İstifadəsi: Üz və bədən dərisində olan zədəli nahiyələr gündə iki dəfə pambıq tampona hopdurulmuş Fitolosyonla silinir.

Əks göstəriş: Fərdi həssaslıq zamanı və gözətrafı nahiyəyə istifadəsi məsləhət görülmür. Dəri Fitolosyonla işləndikdən sonra 1-2 saat müddətində günəşə çıxmaq tövsiyə olunmur.

Saxlanılması: Otaq temperaturunda, uşaqlar üçün əlçatmaz yerdə saxlayın.

Yararlılıq müddəti: 2 il. Yararlılıq müddəti bitdikdən sonra istifadə etmək olmaz.

Buraxılış forması: 150 ml.

Reseptsiz buraxılır.
Dərman vasitəsi deyil.
Gigiyenik vasitədir.