fbpx
Close

PANKREAS ÇAYI

Həzm üçün

Tərkibi:

Zəncirotu kökü, boymadərən otu, solmazçiçəyi çiçəyi, lobya qını, keşniş toxumu, kasnı otu, aptek çobanyastığı çiçəyi, zəncəfil kökü, razyana meyvəsi.

Farmakoloji təsiri:

Mədəaltı vəzin sekretor aktivliyini tənzimləyir, ödün ifrazını sürətləndirir, zülalların, karbohidratların, yağların həzmini normallaşdırır və qida maddələrinin bağırsaqlardan sorulmasını tənzimləyir. Bağırsaqların peristaltikasını normallaşdırır, spazmolitik təsir göstərir, meteorizm və sancıların qarşısını alır.

İstifadəsinə göstəriş:

  • Xroniki pankreatit

  • Dispepsiya (həzmin pozulması)

  • Meteorizm (köp)

  • Xroniki xolesistitin, xroniki hepatitin, qaraciyər sirrozunun kompleks müalicəsi.

Əks göstəriş: çayın komponentlərinə qarşı fərdi həssaslıq, kəskin pankreatit, xroniki pankreatitin kəskinləşməsi, öddaşı xəstəliyi.

İstifadə qaydası:

2 filtr-bağlamanın üzərinə 100 ml (1/2 stəkan) qaynar su tökülür, 15 dəqiqə dəmlənir, otaq temperaturunda soyudulur. Gündə 3-4 dəfə, hər dəfə 100 ml (1/2 stəkan) yeməkdən 30 dəqiqə əvvəl ilıq şəkildə daxilə qəbul olunur.

  • Qəbul müddəti 30 gündür. 10 günlük fasilədən sonra təkrar qəbul oluna bilər.
  • Qəbul qaydası həkimin məsləhəti ilə dəyişdirilə bilər.

Kateqoriya: , Product ID: 2894

Description

Son dövrlərdə azhərəkətli həyat tərzi, qeyri-düzgün, ayaqüstü “fastfood”larla (dönər, hamburger) qidalanma, yağlı, hazır, qızardılmış qidalar həzm vəzilərinin fəaliyyətini pozur. Dispepsiya (həzmin pozulması), meteorizm (köp), qarında şişkinlik, ürəkbulanma, qusma, sancı kimi hallarla özünü büruzə verir. Belə problemləri kökündən həll etmək üçün Herba Flora şirkəti sizlər üçün Pankreas çayını istehsal edir.

Pankreas çay təsiri

Pankreas çayı xəstələrdə təkcə dispepsiya əlamətlərinə deyil, həm də birbaşa həzm vəzilərinə, mədəaltı vəz və öd kisəsinə təsir edir. Onların sekretor funksiyalarını aktivləşdirir. Beləliklə də tək nəticəni (həzm pozğunluğu, meteorizm, köp və s.) deyil, onu törədən səbəbləri də aradan qaldırır. Pankreas çayının tərkibindəki zəncirotu kökü, boymadərən otu, solmazçiçəyi kökü, kasnı otu var. Bu bitkilər birbaşa həzm vəzilərinə spazmolitik, xoleretik, təsir göstərir, eyni zamanda qaraciyərin, mədəaltı vəzin, mədənin sekretor funksiyasını tənzimləyir.  Həmçinin zülalların, karbohidratların, yağların həzmini normallaşdırır. Məhz Pankreasın tərkibindəki solmazçiçəyi, boymadərən kimi bitkilər qaraciyərdə ödəmələgəlmə prosesini stimulə edir. Nəticədə ödün konsentrasiyasını durulaşdırır. Öd kisəsi və öd yollarının peristaltikasını normallaşdırır. Onlara spazmolitik təsir edərək gərginliyi azaldır, ödün kisədən öd yollarına, oradan da onikibarmaq bağırsağa tökülməsini asanlaşdırır. Tərkibindəki lobya qını həm mədəaltı vəzin qan dövranını yaxşılaşdırır, həm də amin turşularla zəngin olduğu üçün həzmi və qanda şəkərin miqdarını tənzimləyir.

Herba Flora şirkətinin Pankreas çayının tərkibindəki keşniş toxumu, aptek çobanyastığı çiçəyi, zəncəfil kökü, razyana meyvəsi xəstələrdə həm pozulmuş iştahanı yaxşılaşdırır, həm də həzmedici, qazqovucu, köp və bağırsaq spazmları əleyhinə effekt verir, ürəkbulanma, qusmaəleyhinə təsir göstərir, gəyirmənin qarşısını alır. Pankreas çayını Herba Flora şirkətinin Meteonat şərbəti ilə kombin şəkildə qəbul etməklə həm dispepsiya, meteorizm (köp) əlamətlərini, həm də qəbizliyi aradan qaldırmış olarsınız.

https://herba-flora.com/

https://fizulihuseynov.com/