fbpx
Close

MİRFAZİN ÇAYI (Şəkərli diabet üçün çay)

Tərkibi: Qaragilə zoğları, lobya meyvəsinin qını, itburnu meyvəsi, gicitkən yarpağı, aptek çobanyastığı çiçəyi, bağayarpağı yarpağı, dazıotu otu, gülümbahar çiçəyi, boymadərən otu, damotu otu, şirin biyan kökü, andız kökü və kökümsovu.

Farmakoloji təsiri: İnsulinin sintezi və sekresiyasını artırır, qlükozanın toxumalar tərəfindən utilizasiyasını təmin edir. Qanda şəkərin, xolesterinin miqdarını azaldır. Karbohidrat, lipid, su-duz mübadiləsini, mədəaltı vəzin fəaliyyətini tənzimləyir, mədəaltı vəzin qanla təchizatını yaxşılaşdırır. Orqanizmin suya tələbatını və poliuriyanı azaldır. Angioprotektor, neyroprotektor, nefroprotektor və hepatoprotektor təsir göstərir. Toxumaların regenerasiyasını və trofik xoraların sağalmasını sürətləndirir.

İstifadəsinə göstəriş:

  • I tip şəkərli diabet (yanaşı)
  • II tip şəkərli diabet (yüngül və orta ağırlıqlı)
  • Piylənmə
  • Postprandial hiperqlikemiya

Əks göstəriş: Çayın tərkib hissələrinə qarşı fərdi həssaslıq.

İstifadə qaydası: İki filtr-bağlamanın üzərinə 100 ml (1/2 stəkan) qaynar su tökülür, 20 dəq. dəmlənir, otaq temperaturunda soyudulur. Gündə 3-4 dəfə, hər dəfə 100 ml (1/2 stəkan) yeməkdən 30 dəq. əvvəl daxilə qəbul edilir. Müalicə kursu 4-6 həftədir, il ərzində 3-4 kurs qəbul etmək lazımdır.

Buraxılış forması: 25 filtr-bağlama.

 

Description

Məlum olduğu kimi diabet mübadilə xəstəliyidir, yəni bütün problemlərin başında pozulan mübadilə dayanır desək, səhv etmiş olmarıq. Mirfazin çayı tərkibində olan bir sıra bitkilər – itburnu meyvəsi, gicitkən yarpağı, lobya qını, bağayarpağı sayəsində mübadilə proseslərini – karbohidrat, lipid, xolesterin mübadiləsini normallaşdırır. Mirfazin çayının tərkibindəki qaragilə zoğu, gicitkən yarpağı kimi bitkilər mədəaltı vəzin qan və sinir təchizatını yaxşılaşdırır. Toxumsuz lobya qını isə tərkibindəki bol miqdarda sink sayəsində insulin sintezi və sekresiyasını artırır.

Mirfazin çay təsiri

I tip şəkərli diabetlərdə kompleks müalicə ilə yanaşı Mirfazin çayı qəbul edildikdə qaragilə zoğlarının tərkibindəki mirtillin maddəsi, toxumsuz lobya qınının tərkibində olan fazeolin qlobulini və arginin aminturşusu, andız kökünün təribindəki inulin insulinəbənzər təsir göstərir. Nəticədə qanda artmış qlükozanın toxumalara və hüceyrələrə çatdırılmasını sürətləndirir.

Diabet xəstələrində, xüsusilə də I tip diabetlərdə xəstəliyin gedişatında bir çox ağırlaşmalara rast gəlmək mümkündür. Bunlardan ən başlıcası böyrəklərin, qaraciyərin, ürək və beyinin zədələnməsidir. Bunlar damarların, xüsusilə də arterial damarların zədələnməsi nəticəsində baş verir. Mirfazin çayı qanda qlükozanın miqdarını azaltmaqla yanaşı, həm də tərkibində olan itburnu meyvəsi hesabına damarqoruyucu – angioprotektor təsir göstərir. Orqanlarda baş verən patologiyaların qarşısını alır.

Şəkərli diabeti olan xəstələrin əksər şikayətlərdən biri çox miqdarda tez-tez sidiyəgetmə, buna bağlı olaraq ağızda quruluq, suzuzluq kimi hallardır. Bu zaman böyrəklərin filtirasiya qabiliyyəti pozulur, diurez artmış olur. Mirfazin çayı böyrəklərdə filtirasiyanı normallaşdırır, natriumun və suyun reabsorbsiyasını artıraraq xəstlərin çox miqdarda sidiyə getməsinin qarşısını alır. Orqanizmdən maye itkisi azaldığına görə xəstələri narahat edən susuzluq və ağızda quruluq aradan qalxmış olur.

Arterial damarların zədələnməsi, regenerasiya proseslərinin zəifləməsi nəticəsində baş verən ağırlaşmalardan biri də ətraflarda, xüsusilə də aşağı ətraflarda əmələ gələn trofiki yara və xoralardır. Bu xəstələrdə əmələ gələn trofiki xoralarla yanaşı hər hansı yüngül zədə nəticəsində uzun müddət sağalmayan yaralar da meydana çıxır. Mirfazin çayı qanda şəkərin səviyyəsini azaldır. Eyni zamanda damarqoruyucu təsir göstərir, həm də mikrosirkulyasiyanı yaxşılaşdıraraq toxumaların qidalanmasını normallaşdırır. Tərkibində olan aptek çobanyastığı, bağayarpağı, gülümbahar çiçəyi kimi bitkilər antiseptik, iltihabəleyhinə təsir göstərir, regenerativ prosesləri gücləndirərək yara və trofik xoraların sağalmasını sürətləndirir. Mirfazin çayının tərkibindəki boymadərən, dazıotu, itburnu mədəaltı vəzin qan dövranını yaxşılaşdırır. Həzmdə iştirak edən fermentlərin də sintezini artırır, həmçinin qaraciyər funksiyalarını yaxşılaşdıraraq ödəmələgəlmə prosesini stimulə edir. Ödün 12-barmaq bağırsağa tökülməsini asanlaşdıraraq pozulmuş həzmi normallaşdırır.

Əksər diabetli xəstələr əsəbi, qıcıqlı olurlar. Əsəb fonunda da şəkərin səviyyəsi yüksəlir və yaranan qüsurlu dövran xəstənin vəziyyətini daha da ağırlaşdırır. Mirfazin çayı qlükozanın hüceyrələrə çatdırılmasını asanlaşdırmaqla yanaşı, tərkibində olan damotu, dazıotu bitkiləri sinir-psixi gərginliyi aradan qaldıraraq xəstələri sakitləşdirir. Mirfazin çayını həm piylənmədən əziyyət çəkən, həm şəkərli diabetin yaranma riskini yaşayan şəxslər, həm də şəkərli diabet xəstələri qəbul edib vəziyyətlərini yüngülləşdirə və gələcəkdə yarana biləcək ağırlaşmaların qarşısını ala bilərlər.

https://fizulihuseynov.com/

https://herba-flora.com/