Fi̇ttoi̇l Bi̇bəri̇yyə Yağı

Alınması: bibəriyyə yarpaqlarının günəbaxan yağında çıxarışı.

Tərkibi: efir yağları – pinen, kamfen, borneol, sineol, karmofilen, kamfora, bornilasetat, limonen, mirsen.

Məhsulun xüsusiyyətləri: Bakterisid, antiprotozoy, fungisid təsir göstərərək bakteriyaların, göbələklərin və ibtidai parazitlərin çoxalma­sının qarşısını alır, iltihabı aradan qaldırır. Hüceyrə səviyyəsində toxuma­ların regenerasiyasını sürət­ləndirir. Selikli qişalarda lizosimin sintezini stimulyasiya edərək yerli immuniteti gücləndirir. İnhalyasiya zamanı bronxların drenaj funksiyasını yaxşılaşdırır. Bəlğəmgətirici və mukolitik effekt verir. Tonuslandırıcı, antihipoksik təsir göstərir. Beyin qan dövranını yaxşılaşdırır, xarici qıcıqlara qarşı cavab reaksiyasını artırır, diqqət və yaddaşı gücləndirir. Bağırsaq mikroflorası və peristaltikasını yaxşılaş­dırır, həzm prosesini tənzimləyir.

Dəriyə istifadə zamanı yerli qıcıqlandırıcı, qaşınma əleyhinə, ağrıkəsici, dermato­tonik təsir göstərir. Tük follikullarını qıcıqlandırır, keçəlləşmənin qarşısını alır.

Tənəffüs sisteminin kəskin və xroniki infeksion-iltihabi xəstəlikləri, zehni və fiziki yorğunluq, hipotonik tipli NSD, artralgiya, mialgiya, nevralgiya, vətər dartılması, posttravmatik hematomalar zamanı tətbiq olunur. Həmçinin dermatitlər, yaralar, trofiki xoralar, psoriaz və başın tüklü hissəsinin psoriazının kompleks müalicə­sində, saç tökülməsinin müalicəsində istifadə edilir.

Əks göstəriş: fərdi həssaslıq.

İstifadə qaydası: Daxilə qəbul, xaricə sürtmək, masaj, inhalyasiya, vanna, kompress, kosmetik vasitələrin tərkibini zənginləşdirmək üçün istifadə olunur.

Daxilə: gündə 2 dəfə, hər dəfə 5-15 damcı yeməkdən əvvəl qəbul olunur.

Xaricə: gündə 2 dəfə dərinin zədəli nahiyələrinə çəkilir.

Saxlanma şəraiti: Otaq temperaturunda və ya soyuducuda ağzı kip bağlı qabda, uşaqlar üçün əlçatmaz yerdə saxlayın.

Saxlanma müddəti: 18 ay.

Buraxılış forması: flakonda 30 ml, içlik vərəqəsi ilə birlikdə karton qablaşdırmada.