Fi̇tooi̇l Evkali̇pt Yağı

Alınması: evkalipt yarpaqlarının günəbaxan yağında çıxarışı.

Tərkibi: evkaliptol, limonen, alfa-pinen, qamma-terpinen, alfa- terpinol, mirtenol, eydesmol, qlobulol, üzvi turşular, aşı maddələr, flavonoidlər, aldehidlər.

Məhsulun xüsusiyyətləri: Evkaliptol hesabına orqanizmə bakterisid, iltihab əleyhinə, antiviral, antiprotozoy, fungisid təsir göstərir. Burun boşluğunun selikli qişasında reseptorları aktivləşdirir, rahat nəfəsalmanı təmin edir. İmmuniteti yüksəldir, tənəffüs yollarına bəlğəm­gətirici, mukolitik, spazmolitik, antihipoksik effekt verir. Tərqovucu olduğu üçün qızdırmasalıcı təsir də göstərir. Antioksidant olduğu üçün orqanizmi toksin­lər­dən və sərbəst radikalların zərərli təsirlərindən qoruyur. Açıq yara, xora, yanıq, kəsik, sıyrıq nahiyələrində mikrobların fəaliyyətini ləngidir. Yarasağaldıcı və rege­ne­rasiyaedici təsir göstərir. Yerli anestetik təsiri hesabına dəri qaşınmalarını azaldır. Ağız boşlu­ğunun iltihabi xəstəlikləri zamanı qarqara, tənəffüs sisteminin infeksion-iltihabi xəstəlikləri zamanı isə inhalyasiya şəklində istifadə olunur. Revmatizm, nevralgiya, mialgiya, artralgiya, radikulit zamanı ağrılı nahiyələrə masaj şəklində tətbiq olunur. Həşərat dişləmələri və yanıqların müalicəsində evkalipt yağından istifadə olunur.

Əks göstəriş: fərdi həssaslıq, 2 yaşa qədər uşaqlar.

İstifadə qaydası: İnhalyasiya, qarqara, massaj və daxilə qəbul şəklində istifadə olunur.

Daxilə: gündə 2 dəfə, hər dəfə 5-15 damcı yeməkdən əvvəl qəbul olunur.

Xaricə: gündə 2 dəfə dərinin zədəli nahiyələrinə çəkilir.

İnhalyasiya üçün: 1 stəkan qaynar suya 10-15 damcı əlavə olunur, gündə 2 dəfə inhalyasiya edilir.

Qarqara üçün: 1 stəkan ilıq suya 10-15 damcı əlavə olunur, gündə 3-4 dəfə qarqara edilir.

Saxlanma şəraiti: Otaq temperaturunda və ya soyuducuda ağzı kip bağlı qabda, uşaqlar üçün əlçatmaz yerdə saxlayın.

Saxlanma müddəti: 18 ay.

Buraxılış forması: flakonda 30 ml, içlik vərəqəsi ilə birlikdə karton qablaşdırmada.