fbpx
Close

İnerstisial sistitin müalicəsi

İnerstisial sistitin müalicəsi

İnterstisial sistit müalicəsinə başlamazdan əvvəl xüsusi test müayinəsi, sidik sitologiyası, xərçəngə görə müayinə və kalium həssaslıq testi kimi müayinələr aparılmalıdır. Bu test üçün bədəndən kiçik bir toxuma nümunəsi götürülür və araşdırılır. Sidik sitologiyası müayinəsində sidik nümunəsində xərçəngi göstərə biləcək hüceyrələrin olub-olmaması araşdırılır. Kalium həssaslıq testində nazik bir boru vasitəsilə sidik kisəsinə su və sonra kalium daxil edilir. Hər bir həll verildikdən sonra xəstədən hiss etdiyi ağrı və sidiyəgetmə istəyini 0-dan 5-ə qədər aralıqda qiymətləndirmək xahiş olunur. Sudan daha çox ağrı və ya kalium məhlulu ilə sidiyə getməyə çağırış hiss edilsə, interstisial sistit diaqnozu qoyula bilər. Müalicə üsulları vasitəsi ilə interstisial sistitin simptomlarını aradan qaldırmaqla xəstələrin həyat keyfiyyətini yaxşılaşdırmaq vacibdir.

Xəstənin interstisial sistitlə bağlı şikayətləri artdıqda müxtəlif müalicə kombinasiyalarını sınamaq lazım ola bilər. Bəzi xəstələrdə tək üsulla şikayətlər azaldılır, bəzilərində isə birdən çox müalicə və ya cərrahi üsul tələb olunur. İnterstisial sistiti müalicə edərkən xəstənin yaşı, sağlamlıq vəziyyəti və digər xəstəlikləri nəzərə alınmalıdır. Nəzərə alınması vacib olanlardan biri də interstisial xəstəliyin dərəcəsinin müəyyən edilməsidir. Dərmanlara qarşı həssaslığın təyin edilməsi də çox vacibdir. Simptomların şiddətindən asılı olaraq xəstə ilə danışaraq və üstünlüklərini nəzərə alaraq bir və ya bir neçə müalicə üsulunu seçmək lazımdır. Xəstənin şikayətlərinin yox olub-olmamasına və ya rahatlamasına görə müalicə seçimi də dəyişir.

İnerstisial sistitin müalicə növləri

Əsas müalicə üsulları aşağıdakılardır:

  1.  Fizioterapiya müalicəsi. Fiziki terapiyanın köməyi ilə əzələ həssaslığı, birləşdirici toxuma və ya çanaqdakı əzələ problemləri ilə əlaqəli çanaq ağrıları aradan qaldırıla bilər.
  2.  Dərman müalicəsi. Aşağıdakı dərmanlar xəstənin sidik ifrazı zamanı ağrı və çanaq ağrısı kimi şikayətlərini azaltmaq üçün istifadə edilə bilər.

Bu dərmanlara ağrıkəsicilər, əzələ spazmolitikləri, qeyri-steroid iltihabəleyhinə dərmanlar, ani sidiyəçıxma və tez-tez sidiyə getmənin qarşısını ala bilən antihistaminlər, antidepressantlar, elektrik stimullaşdırılması aiddir. Elektrik stimullaşdırılması sidik kisəsini idarə edən əzələləri gücləndirərək qan dövranını yaxşılaşdırır. Bu, fiziki müalicə zamanı və ya qarın boşluğuna yerləşdirilən stimulyatorla cərrahi yolla baş verə bilər. Xəstənin qarnına yerləşdirilən sensorlar sidik kisəsi əzələlərinin hərəkətini idarə etməyi öyrədir. Kisənin reflektor olaraq hazırlanması mümkün olur. Bu halda xəstələr müvəffəqiyyətlə daha çox sidiyi saxlaya bilir, sidik kisəsinin genişlənməsi baş verir. Ümumi anesteziya altında sidik kisəsi maye ilə doldurularaq genişləndirilir. Botoks inyeksiya üsulu ilə də xəstəni ağrılardan azad etmək olur. Sidik kisəsindəki sinirləri müvəqqəti olaraq iflic edərək ağrılar aradan qaldırılır. Həyat tərzində dəyişikliklər də vacib nüanslardan biridir. Stresi idarə etmək və sidik kisəsini qıcıqlandıra bilən müəyyən qidalardan (spirt, sitrus meyvələri, ədviyyatlı qidalar, şokolad, kofein, qazlı içkilər və süni dadlandırıcılar) uzaq olmaq vacibdir. Bəzi xəstələrə alternativ müalicə üsullarından akupunktur terapiyası faydalı təsir edir. Digər müalicələr effekt vermədikdə cərrahi üsula müraciət olunur. Buraya xoraların yandırılması və ya çıxarılması, sidik kisəsinin cərrahi olaraq genişləndirilməsi daxildir.

https://fizulihuseynov.com/

https://herba-flora.com/